اسلام آباد۔5دسمبر (اے پی پی) وفاقی وزیرخزانہ تےمحصولات سینیٹرمحمداورنگزیب آکھیا جو معاشی اصلاحات دا تسلسل جاری اے۔ اہم معاشی اشاریے مثبت ہن، خساریاں تے قابو پاتا ڳئے۔ خمیس کوں سیکورٹیز اینڈایکسچینج کمیشن آف پاکستان ولوں ای ایس جی سسٹین پاکستان دے پہلے پائیداریت تے مبنی آن لائن پلیٹ فارم دی لانچنگ تقریب توں خطاب کریندیں ہوئیں وزیر خزانہ سیکیورٹیز اینڈ ایکسچینج کمیشن آف پاکستان دی ڈیجیٹلائزیشن اتے ڈیٹا شیئرنگ دے ودھارے کیتے کوششاں دی تعریف کیتی اتے آکھیا جو ڈیجیٹل چینلز اتے مواقع مستقبل دا راہ ہن۔ ای ایس جی پلیٹ فارم دا مقصد کمپنیاں اتے اداریاں کوں آپݨی کامیابی دی کہانیاں اتے بہترین طرز عمل شیئر کرݨ دا حوصلہ افزائی کرݨ اے۔ وزیرخزانہ آکھیا جو حکومت معاشی میدان اچ اہم پیش رفت کیتی اے۔ اہم معاشی اشاریے مثبت ہن، خساریاں تے قابو پاتا ڳئے۔ انہاں آکھیاجو کاپ۔29دے موقع تےپاکستان ماحولیاتی تبدیلیاں نال نبڑݨ کیتے مالیاتی حکمت عملی شروع کیتی اے۔ ماحولیات، ماحولیاتی تبدیلیاں دااہم حصہ اے، جامع اقتصادی شمولیت اتےنمو اچ انہاں دی اہمیت مسلمہ اے۔ وزیرخزانہ آکھیا جو معاشرے دے سارے طبقیاں کوں اقتصادی مرکزی دھارے اچ ڳھن آوݨ ضروری اے۔ حکومت پالیسی فریم ورک اتےپالیسیاں دے تسلسل کوں یقینی ٻݨیسی۔ سرکاری ملکیتی اداریاں دایومیہ خسارہ 2.2ارب روپے اے، گزریل ݙاہ سالیں اچ ایس او ایز دا خسارہ 6 ٹریلین روپے رہیے۔
