دمشق۔8دسمبر (اے پی پی) شام دے صدر بشار الاسد طیارے اچ سوار تھی تے دمشق توں روانہ تھی ڳئے۔ روئٹرز موجب شام دے عسکریت پسنداں دارالحکومت دمشق اچ داخل تھیوݨ دا اعلان کیتے جئیں دے بعد صدر بشار الاسد دمشق چھوڑ تے نامعلوم ڄاہ تے ڳئے۔ شامی باغی گروہ آکھیا جو جشن اچ ہوائی فائرنگ دی موکل کائنی۔ عوام ولوں امیہ اسکوائر تے جشن منایا ڳئیا، شہری شامی فوج دے ٹینکاں تے چڑھ ڳئے۔ دمشق اچ باغی ملیشیا کوں کسی قسم دی مزاحمت نی کرݨی پئی۔ دمشق دے نیڑے جیل توں ہزاراں قیدیاں کوں رہا کرݙتا ڳئے۔ باغی گروپ تحریر الشام ملیشیا دے سربراہ ابو محمد الجولانی آپݨے بیان اچ آکھیا جو پر امن انتقال اقتدار تئیں سابق وزیراعظم محمد غازی الجلالی سارے ریاستی اداریاں کوں چلیسن۔
