لاہور۔10دسمبر (اے پی پی) معروف فوک گلوکار منصور ملنگی دی ݙاہویں برسی کل بدھ کوں منائی ویسی۔ منصور ملنگی یکم جنوری1947 کوں ضلع جھنگ دے علاقہ گڑھ مہاراجہ اچ ڄمیے۔ انہاں دے والد پٹھان علی سارنگی نواز ہن۔ منصور ملنگی دا پہلا گانا 1965 کوں ریڈیو پاکستان تے نشر تھیا، اوں ویلھے انہاں دی عمر 18 سال ہئی پر منصور ملنگی کوں پہلی واری شہرت اوں ویلھے ملی جڈاں انہاں 1974 اچ سرائیکی زبان دا مشہور گانا ہک پھل موتیے دا مار کے جگا سوہنیے ڳایا ۔منصور ملنگی دی خوبی ہئی جو او آپݨے گانیاں دی شاعری وی آپ کریندے ہن۔ منصور ملنگی 11دسمبر 2014 کوں اس جہان فانی توں ٹر ڳئے۔ انہاں کوں انہاں دے آپݨے علاقے گڑھ مہاراجہ ضلع جھنگ اچ دفنایا ڳئیا ہئی۔
