اسلام آباد۔12دسمبر (اے پی پی) وفاقی وزیرخزانہ تے محصولات سینیٹرمحمداورنگزیب آکھیا جو اسلامی مالیات اتے اسلامی کیپٹل مارکیٹس دی استعداد توں فیدہ چاوݨ کیتے رَل تے کم کرݨ دی لوڑھ اے۔ انہاں اے ڳالھ خمیس کوں کراچی اچ ݙوجھی اسلامی کیپٹل مارکیٹس کانفرنس وایکسپو توں ورچوئل خطاب کریندیں ہوئیں آکھی۔ وزیرخزانہ آکھیا جو ملک اچ اسلامی مالیات دے ودھارے اچ سیکورٹیز اینڈایکسچینج کمیشن داکردارقابل تعریف اے۔نان بینک مالیاتی شعبہ اچ اسلامی مالیات بارے ریگولیٹری ماحول دی فراہمی،شریعہ گورنننس فریم ورک اچ ، شریعہ کمپلائنس صنعتاں،اتےاسلامی مالیاتی خدمات دی فراہمی بارے وی کمیشن آپݨا کردار نبھیندا پئے۔ وزیرخزانہ آکھیا جو اسلامی کیپٹل مارکیٹس بارے سیکورٹیز اینڈایکسچینج کمیشن کوں عزم تے جذبے نال کم کرݨ دی لوڑھ اے۔
