ملتان۔ 13 دسمبر (اے پی پی) ملتان دے علاقہ کوٹ گجراں بدھلہ روڈ تے گھر اچ کہاڑی دے وار کر تے ݙو بندیاں کوں قتل اتے ہک کوں شدید پھٹوڑی کر ݙتا ڳئیا۔ ریسکیو 1122 موجب خمیس کوں رات کوٹ گجراں اچ گھر اچ نامعلوم بندیاں اوں ویلھے حملہ کیتا جئیں ویلھے سارے ستے پئے ہن، حملہ آوراں کہاڑی دے وار نال ݙو بندیاں کوں قتل کر ݙتا۔ قتل تھیوݨ آلیاں اچ 45 سالہ منشاء ولد اشرف اتے27 سالہ امجد ولد عابد شامل ہن جڈانجو 20 سالہ محمد شعیب ولد محمد عابد شدید پھٹوڑی اے۔ علاقے دے لوکاں موجب ترائے نامعلوم بندے گھر اچ وڑ تے کہاڑی دے وار نال ݙو بندیاں کوں قتل کیتا اتے ٻھج ڳئے۔ ریسکیو اتے پولیس موقع تے پڄی۔ زخمی کوں طبی امداد اتے لاشاں کوں پوسٹمارٹم کیتے نشتر ہسپتال پڄا ݙتا ڳئے۔ متعلقہ پولیس جائے وقوعہ توں ثبوت کٹھے کر تے تحقیقات شروع کر ݙتی اے۔
