اسلام آباد۔20دسمبر (اے پی پی) چیئرمین پاکستان کرکٹ بورڈ محسن نقوی دی جنوبی افریقہ دے خلاف ݙوجھا ون ڈے میچ اتے سیریز جتݨ تے قومی کرکٹ ٹیم کوں مبارخ ݙیندیں ہوئیں آکھیا جو قومی ٹیم دے کھڈاریاں جنوبی افریقہ کوں ہوم گراؤنڈ تے ہرا تے شاندار کارکردگی ݙکھائی اے۔ جمعے کوں آپݨے بیان اچ وزیر داخلہ محسن نقوی آکھیا جو کھݙاریاں ٹیم ورک ݙکھا تے سیریز آپݨے ناں کیتی اے۔ محمد رضوان، بابر اعظم اتے کامران غلام عمدہ بلے بازی کر تے جت دا منڈھ رکھیا۔ امید اے جو چیمپئنز ٹرافی ٹورنامنٹ اچ وی پاکستانی ٹیم ایجھی کارکردگی ݙکھیسی۔
