اسلام آباد۔20دسمبر (اے پی پی) ملائیشیا دا 10 سال پہلے پراسرار طور تے لاپتہ تھیوݨ آلا مسافر طیارے دی ڳول ولا شروع کرݨ دا فیصلہ کیتے۔ جمعے کوں اے ایف پی موجب ملائشیا دے وزیر ٹرانسپورٹ انتھونی لوک آکھیاجو ملائیشیا دی کابینہ ملائیشیا ایئر لائنز دی پرواز ایم ایچ- 370 دی نویں ڳول شروع کرݨ دی تجویز تے اتفاق کیتے۔ انہاں آکھیا جو اوشین انفینٹی ولوں سرچ آپریشن دی تجویز ٹھوس اے اتے ایں تے غور تھیوݨا چاہیدے۔ انہاں آکھیا جو حکومتی وزراء 13 دسمبر کوں امریکی اتے برطانوی کمپنی اوشین انفینٹی دی تجویز کوں قبول کرݨ تے اصولی اتفاق کیتے جو او جنوبی بحر ہند اچ 15,000 مربع کلومیٹر دے نویں علاقے اچ ایم ایچ- 370 دی ڳول اڳوں ودھاوے۔ بوئنگ 777 طیارہ 8 مارچ 2014 کوں کوالالمپور توں بیجنگ ویندیں ہوئیں 239 بندیاں کوں ڳھن تے ریڈار دی سکریناں توں غائب تھی ڳئیا ہئی۔
