لاہور۔23دسمبر (اے پی پی) پاکستان کرکٹ بورڈ دے چیئرمین محسن نقوی جنوبی افریقہ دے خلاف ون ڈے سیریز اچ وائٹ واش کرݨ تے پاکستان کرکٹ ٹیم کوں مبارخ ݙتی۔ جاری بیان اچ انہاں آکھیا جو پاکستان پہلی ٹیم اے جئیں جنوبی افریقہ دی سرزمین تے ون ڈے سیریز اچ ترائے میچ جت تے وائٹ واش کیتے۔ قومی ٹیم کوں تریجھا ون ڈے میچ جتݨ اتے جنوبی افریقہ کوں وائٹ واش کرݨ تے دلوں مبارخ ݙینداں۔ اے شاندار جت ٹیم ورک دا نتیجہ اے۔ چیئرمین پی سی بی محسن نقوی آکھیا جو صائم ایوب ہک واری ولا آپݨی کلاس ثابت کیتی اتے سنچری ٻݨا تے اہم کردار ادا کیتے جڈانجو محمد رضوان اتے بابراعظم چنڳی بیٹنگ کیتی۔ اینویں ای سفیان مقیم سوھݨی باؤلنگ کراتے دل جت ڳھدن۔ انہاں آکھیا جو امید اے جو چیمپئنز ٹرافی ٹورنامنٹ اچ وی پاکستانی ٹیم اینویں بہترین کارکردگی ݙکھسیی۔
