اسلام آباد۔23 دسمبر(اے پی پی)وفاقی وزیر سرمایہ کاری بورڈ، نجکاری و مواصلات عبدالعلیم خان آکھیے جو ملک اچ دیرپا صنعتی ترقی اتے معاشی بہتری کیتے سرمایہ کاری کرݨ آلیاں کوں چنڳاں منافع ملݨا چاہیدے جیندے نال روزگار ودھسی اتے ہر شعبے اچ ترقی تھیسی۔ اے ڳالھ انہاں ملٹی نیشنل کمپنی سی سی آئی دے چیف ایگزیکٹو آفیسر کریم یاہی نال الیندے آکھی۔ انہاں پاکستان اچ تجارت دے ودھارے اتے سرمایہ کاری مواقع تے الاءیا۔ وفاقی وزیر سرمایہ کاری بورڈ عبدالعلیم خان آکھیا جو ملک اچ کاروبار اتے سرمایہ کاری کیتے ودھ سہولتاں ݙیندے پئے ہیں، ایں سانڳے غیر ملکی سرمایہ کاری ڳھن آوݨ لو پرکشش ماحول اتے سہولتاں سانڳے ودھ اقدامات کتیے ویندے پن، حکومت دے افراط زر اچ کمی سانڳے اقدامات نال ملک اچ کاروبار اچ وسعت اتے سالانہ شرح نمو اچ بہتری آسی، ترکیہ نال ہر شعبے اچ تعاون ٻیا ودھایا ویسی۔ ملٹی نیشنل کمپنی سی سی آئی دے چیف آیگزیکٹو آفیسر کریم یاہی پاکستان اچ ٻئی سرمایہ کاری کرݨ اچ دلچسپی ݙسائی اتے پاکستانیاں کیتے نیک خواہشات پچائن۔
