اسلام آباد۔24دسمبر(اے پی پی):وفاقی وزیر تجارت جام کمال خان آکھیے جو جاپان اچ تھیوݨ آلی عالمی تجارتی نمائش “اوساکا 2025″ اچ پاکستان ودھ شرکت کریسی، نمائش اچ پاکستانی مصنوعات بالخصوص نمک اتے ایندیاں مصنوعات پیش کیتاں ویسن۔ وفاقی وزیر عالمی تجارتی نمائش اچ پاکستانی پویلین ٻݨاوݨ اتے ٹی ڈی اے پی کوں پاکستانی مصنوعات چنڳے طریقے نال پیش کرݨ دی ہدایت کیتی جیندا عنوان ” نمک اتے اینداں مصنوعات” ہوسن۔ انہاں آکھیا جو پاکستان دے نمک خاص کر گلابی نمک دی برآمد ودھاوݨ تے توجہ ݙتی ویسی۔ انہاں وزارت تجارت اتے ایندے ذیلی اداریاں کوں موثر میڈیا مہم شروع کرݨ دی وی ہدایت کیتی۔
