غزہ ۔26دسمبر (اے پی پی) اسرائیلی فوج غزہ دے نصیرات پناہ گزین کیمپ اچ ڳاݙی تے حملے اچ پںج صحافیاں کوں قتل کر ݙتے۔ الجزیرہ موجب اسرائیل غزہ اچ خمیس دی سویل فلسطینی صحافیاں تے فضائی حملے دا اعتراف کیتے۔ اسرائیلی فوج تصدیق کیتی اے جو اوں غزہ اچ میڈیا ڳاݙی جئیں دی چھت نشابر پریس دے الفاظ لکھیے ہن، تے حملہ کیتا جئیں اچ فلسطینی سیٹلائٹ ٹی وی چینل القدس ٹوڈے دے پںڄ صحافیاں کوں قتل کر ݙتا ڳئے۔ اسرائیلی فوج دعویٰ کیتے جو اے ڳاݙی ہک دہشت گرد سیل دی ہئی، ماریے ڳئے صحافی نصیرات پناہ گزین گیمپ اچ العودہ ہسپتال دے سامھے وین اچ ستے پئے ہن جئیں ویلھے اسرائیلی فوج اوں وین کوں ہک فضائی حملے اچ نشانہ ٻݨایا۔
