اسرائیل دے یمنی شہر صنعا تے حملے قابل مذمت ، حوثیاں نال ودھدی ہوئی کشیدگی تشویش ناک اے، اقوام متحدہ

اقوام متحدہ۔27دسمبر  (اے پی پی) اقوام متحدہ آکھیا جو اسرائیل دے یمنی  شہر صنعا تے حملے قابل مذمت ، حوثیاں نال ودھدی ہوئی کشیدگی تشویش ناک اے۔ اردو نیوز موجب اے ڳالھ اقوام متحدہ دے سیکرٹری جنرل انتونیو گوتریش ہک بیان اچ آکھی۔ انہاں آکھیا جو اسرائیل اتے یمنی حوثیاں وچال ودھدی ہوئی کشیدگی خصوصی طور صنعا دے بین الاقوامی اڈے، بحیرہ امر دی بندرگاہیں اتے یمنی پاور سٹیشنز تے اسرائیلی فضائی حملے تشویشناک ہن۔ واضح راہوے جو خمیس کوں اسرائیل یمن دے دارالحکومت صنعا دے ہوائی اڈے، مغربی ساحلی پٹی تے ترائے بندرگاہیں نال حوثی گروپ دے کئی اہداف کوں نشانہ ٻݨایا ہئی۔ اے ایف پی موجب خمیس کوں اسرائیل دے صنعا ایئرپورٹ تے حملیاں اچ عالمی ادارہ صحت ( ڈوبلیو ایچ او ) دے سربراہ  ٹیڈروس ایڈہانوم گیبریسس اتھاں موجود ہن اتے او وال وال بچ ڳئے۔