اسلام آباد۔27دسمبر(اے پی پی)وفاقی وزیر تجارت جام کمال خان پاکستان-کوریا اقتصادی شراکت داری معاہدے (ای پی اے) تے دستخط کیتے 8 جنوری کوں جنوبی کوریا دے سرکاری دورے تے ویسن۔ ݙو ݙینھ دے دورے اچ او ݙو طرفہ اقتصادی تعاون سانڳے ڳالھ مہاڑ، اہم سٹیک ہولڈرز، میں پاکستانی کاروباری برادری، ممتاز کوریائی سرمایہ کاراں، کوریا دے وزیر تجارت سودھا ٻئے اعلیٰ عہدیداراں نال ملسن۔ امکان اے جو دورے نال پاکستان اتے کوریا وچال تجارتی حجم ودھاوݨ سانڳے “ای پی اے” اچ مدد ملسی۔ وزیر تجارت انٹرنیشنل اکنامک انسٹی ٹیوٹ دے صدر نال وی ملسن اتے ایگزام بینک دے نمائنداں نال ڳالھ مہاڑ کریسن۔ جام کمال خان کوریا ٹریڈ ایسوسی ایشن (کے ڈبلیو ای ایم اے) دی قیادت اتے وݙے سرمایہ کاراں نال وی ملسن۔ وزیر تجارت بین الاقوامی اقتصادی انسٹی ٹیوٹ دے تھنک ٹینک دے صدر نال ملݨ کوریا دے نویں دارالحکومت وی ویسن۔
