سیئول۔29دسمبر (اے پی پی) جنوبی کوریا دے موآن انٹرنیشنل ایئرپورٹ تے مسافر طیارہ رن وے توں لہہ تے حفاظتی کندھ نال ٹکرا ڳئیا جئیں پاروں 85 ڄݨے ہلاک تھی ڳئے۔ اردو نیوز مومجب جنوبی کوریا دے جنوب مغربی شہر موآن اچ مسافر طیارے کوں لینڈنگ کریندیں ہوئیں تھیوݨ آلے حادثے اچ 85 ڄݨے ہلاک تھی ڳئے۔ جنوبی کوریا دی وزارت ٹرانسپورٹ بیان اچ ݙسیا جو حادثہ آݙت وار کوں تھیا جئیں ویلھے جیجو ایئر دی پرواز سی 22167 تھائی لینڈ دے دارالحکومت بنکاک توں 175 مسافراں اتے عملے دے چھی ارکان کوں چا تے مقامی ویلھے دے مطابق سویلے نو وڄے ملک دے جنوب اچ واقع ایئرپورٹ تے لینڈ کریندی پئی ہئی۔ فائربریگیڈ دے اہلکار ݙسیا جو 33 نعشاں کݙھ ڳھدی ڳئن جڈانجو اے تعداد حتمی کائنی۔ حکام اتے وزارت ٹرانسپورٹ اموات دی رپورٹ دی تصدیق کائنی کیتی۔ ایئرپورٹ دے اہلکار ݙسیا جو حکام طیارے دے ٹیل سیکشن (پچھلے حصّے) اچ لوکاں کوں بچاوݨ کیتے کم کریندے پئن۔
