کیپ ٹائون۔30دسمبر (اے پی پی) جنوبی افریقا اتے پاکستان دی کرکٹ ٹیماں وچال ݙوجھا اتے چھیکڑی ٹیسٹ میچ 3 توں 7 جنوری تئیں نیولینڈز ،کیپ ٹائون اچ کھیݙیا ویسی۔ پروٹیز ٹیم کوں پاکستان دے خلاف ݙومیچاں دی سیریز اچ ہک صفر دی برتری اے۔ میزبان ٹیم پہلے ٹیسٹ میچ اچ گرین شرٹس کوں ݙو وکٹاں توں ہرایا ہئی۔ ایں توں پہلے پاکستان جنوبی افریقا کوں اوندی سرزمین تے ترائے ون ڈے میچاں دی سریز اچ وائٹ واش کرتے ہرایا ہئی۔
