اسلام آباد۔2جنوری(اے پی پی)وفاقی وزیر خزانہ و محصولات سینیٹر محمد اورنگزیب اسلام آباد اچ محصولات، سرمایہ کاری و تجارت دے پروگرام (ریمیٹ) دی اسٹیئرنگ کمیٹی دے تریڄھے اجلاس دی صدارت کیتی۔ اجلاس اچ کمیٹی دے پچھلے 3 اجلاساں اچ کیتے ڳئے فیصضیاں تے عمل درآمد دا جائزہ ڳھدا ڳیا جو محصولات اچ ودھارے، سرمایہ کاری ماحول، تجارت و مجموعی معیشت اچ کیا پیش رفت تھئی اے۔ پاکستان اچ برطانیہ دی ہائی کمشنر جین میریٹ، کلیدی حکومتی وزارتاں بشمول وزارت منصوبہ بندی، وزارت خزانہ، وزارت تجارت، وزارت صنعت و پیداوار، سرمایہ کاری بورڈ، ایف بی آر اتے ریمیٹ دے عملدرآمدی شراکت داراں، عالمی بینک، جی سی ایس آئی اتے اے ایس آئی دے سینئر عہدیداراں اجلاس اچ شرکت کیتی۔ اجلاس اچ شعبیاں اچ شراکت داراں ولوں اڳونہی، خاص کر معاشی استحکام، پائیدار اتے جامع ترقی کیتے موزوں حالات پیدا کرݨ دے امور تے الایا ڳیا۔ اجلاس اچ اقتصادی گورننس اتے موسمیاتی تبدیلیاں دے چیلنجز بارے اقدامات تے وی غور تھیا۔
