ملک کوں پائیدار نمو آلے پاسے ڳھن ونجݨ اچ سٹاک مارکیٹ دا کردار اہمیت رکھیندے، پاکستان سٹاک مارکیٹ اچ سرمایہ کاراں دے اعتماد کوں نشابر کریندی اے، سینیٹرمحمداورنگزیب

کراچی ۔8جنوری  (اے پی پی) وفاقی وزیرخزانہ تے محصولات سینیٹرمحمداورنگزیب آکھیا جو ملک کوں پائیدار نمو آلے پاسے ڳھن ونجݨ اچ سٹاک مارکیٹ دا کردار اہمیت رکھیندے، پاکستان سٹاک مارکیٹ اچ سرمایہ کاراں دے اعتماد کوں نشابر کریندی اے۔ اے ڳالھیں انہاں بدھ کوں کراچی سٹاک ایکسچینج اچ تھیوݨ آلی تقریب توں خطاب کریندیں ہوئیں آکھی۔  وزیراعظم محمدشہبازشریف تقریب دے مزمان خصوصی ہن۔ ایں موقع تے ڈپٹی وزیراعظم اسحاق ڈار، وفاقی وزیراطلاعات ونشریات عطا اللہ تارڑ، وفاقی وزراء،گورنرسندھ کامران ٹیسوری، وزیراعلیٰ سندھ، کراچی دی بزنس کمیونٹی دے نمائندے اتےاعلیٰ حکام وی موجود ہن۔ وزیرخزانہ آپݨے خطاب اچ آکھیا جو ملک کوں پائیدار نمو آلے پاسے ڳھن ونجݨ اچ سٹاک مارکیٹ دا کردار اہمیت رکھیندے، پاکستان سٹاک مارکیٹ اچ سرمایہ کاراں دے اعتماد کوں نشابر کریندی اے۔انہاں آکھیا جو ڈھانچہ جاتی اصلاحات بارے پالیسی سازی اتے انہاں تے عمل درآمد تے اساݙی توجہ اے۔ ڈیجیٹلائزیشن بارےکم تھیندا پئے۔ اساں وفاقی حکومت دے خرچ اتے حجم اچ ڳھٹکی تھیندی پئی اے،  42وزارتاں اتے400منسلک اداریاں دا جائزہ ڳھندا پئے۔ انہاں آکھیا جو پاکستان سٹاک ایکسچینج گزریل ہک سال اچ بہترین کارکردگی ݙکھائی اے۔ انڈیکس اچ 65 ہزار پوائنٹس دا ودھارا تھیے اتے ٻئی بہتری امدی پئی اے۔ انہاں آکھیا جو ملک دا انحصار ملک دی بینکنگ دی صنعت تے اے، انہاں آکھیا جو سٹاک مارکیٹ اچ ٹیکسیشن بارے مسئلیاں کوں حل کر ڳھدا ویسی۔ ایں توں پہلے پاکستان سٹاک ایکسچینج دے چیف ایگزیکٹوآفیسرفرخ سبزواری آکھیا جو کلی معیشت دے استحکام اتے پالیسی ریٹ اچ ڳھٹکی نال پاکستان سٹاک ایکسچینج اچ نشابر بہتری آئی اے۔ اساں چینی سانجھے داراں دا وی شکریہ ادا کریندوں۔ انہاں آکھیا جو سٹاک مارکیٹ ہک سال اچ اسی فیصد دا ریٹرن ݙتے جو مارکیٹ دی بہترین کارکردگی کوں نشابر کریندے۔ اساݙی کوشش اے جو مارکیٹ کیپٹلائزیشن کوں 100 ارب ڈالرتئیں پجایا ونڄے۔