لندن۔8جنوری(اے پی پی)پاکستانی بیٹر صائم ایوب علاج کیتے لندن پڄ ڳن جتھاں ڈاکٹراں دی ٹیم انہاند ا معائنہ کیتے۔ صائم ایوب دے مختلف ٹیسٹ کیتے ڳن جیندیاں رپورٹس کل آسن۔ کل ولا ڈاکٹرز رپورٹ ݙیکھݨ دے بعد فیصلہ کریسن جو انہاں دے علاج اچ کتنا ویلھا لڳسی۔ چیئرمین پی سی بی محسن نقوی، بیٹر صائم ایوب دے علاج معالجے کیتے ودھ تعاون دا اعلان کیتا ہا اتے انہاں کوں لندن ٻھیڄئے جتھاں ٹیم دے اسسٹنٹ کوچ اظہر محمود وی انہاں دے نال ہین۔ ݙسایا ڳئے جو لندن ہائی کمیشن دا عملہ صائم ایوب دی ݙیکھ بھال اچ پورا ہتھ ونݙیندا پئے۔
