اسلام آباد۔9جنوری(اے پی پی)لندن اچ ہارلے سٹریٹ کلینک دے ڈاکٹرز پاکستان کرکٹ ٹیم دے مایہ ناز اوپنر بلے باز صائم ایوب دے ڳوݙے دی سرجری دی صورتحال بہتر قرار ݙتی اے۔ کرکٹر صائم ایوب آکھیے جو میڈیکل رپورٹ آگئی اے، ڈاکٹرز ݙسائے جو ڳوݙا ٹھیک اے ہݨ میں ایندے تے ٻھار سٹ سڳداں، ساریاں رپورٹس میڈیکل پینل کوں ٻھیڄیاں ویسن۔ ہارلے سٹریٹ کلینک اچ قومی کرکٹ ٹیم دے اسسٹنٹ کوچ اظہر محمود وی صائم ایوب دے نال ہن۔ ایں توں پہلے کنسلٹنٹ ٹراما اینڈ آرتھوپیڈک پیر اتے ڳوݙے دے سرجن جیاسیلان انہاں دا طبی معائنہ کیتا ہا۔ ݙسایا ڳئے جو صائم ایوب دی ب صحت بہتر تھیندی پئی اے۔ صائم ایوب جنوبی افریقہ دے خلاف کیپ ٹاؤن ٹیسٹ اچ فیلڈنگ کریندے ڳوݙے تے سٹ لڳݨ نال زخمی تھئے ہن۔
