اسلام آباد۔10جنوری(اے پی پی)وفاقی وزیر تجارت جام کمال خان سیئول اچ ہک خصوصی عشائیہ ݙتے جیندے اچ اہم کورین کاروباری شخصیات، سرمایہ کاراں اتے پاکستان دے ڈونرز کوں سݙیے۔ اے عشائیہ جنوبی کوریا دے 3 ݙیہاڑی سرکاری دورے دا حصہ ہا جیندا مقصد ݙوہیں ملکاں وچال تجارتی و سرمایہ کاری تعلقات ودھاوݨ اے۔ وفاقی وزیر تجارت جام کمال خان پاکستان اچ دستیاب سرمایہ کاری دے ودھ مواقع خاص کر فوڈ اتے ایگریکلچر، ٹیکنالوجی، آئی ٹی اتے معدنیات دے شعبیاں اچ سرمایہ کاری اتے سہولیات بارے شرکاء کوں ݙسایا۔ انہاں کورین سرمایہ کاراں کوں لاہور اچ 26 توں 28 فروری 2025 تئیں تھیوݨ آلی فوڈ ایگزیبیشن اچ آوݨ دی دعوت ݙتی۔ انہاں آکھیا جو اے عشائیہ پاکستان اتے کوریا دے مضبوط تعلقات دا جشن مناوݨ اتے اقتصادی شراکت داری ودھاوݨ دا عزم اے۔
