لاس اینجلس۔13جنوری (اے پی پی) امریکی ریاست کیلیفورنیا دے شہر لاس اینجلس دے جنگلاں آچ لڳی ٻھاہ 80 کلومیٹر دی رفتار نال چلݨ آلی ہوائیں پاروں ٻئے علاقیاں اچ کھنڈ ڳئی اتے ہوائیں دی رفتار 112 کلومیٹر تئیں پڄݨ دی پیشین گوئی دے نال ٻھاہ ٻئے علاقیاں اچ کھنڈݨ دا ݙر پئے ڳئے۔ اے ایف پی امریکا دی نیشنل ویدر سروس دے ماہر موسمیات روز شوئن فیلڈ بارے ݙسیا جو ٻہوں تیز ہوائیں پاروں حالات ڈرامائی طور خراب تھیوݨ آلے ہن۔ مقامی حکام موجب لاس اینجلس دے جنگلاں اچ لڳی ٻھاہ وسماوݨ کیتے فائر فائٹر، گاݙیاں اتے ٻئے آلات شہر اچ پڄدے پئن۔ نیویارک ٹائمز دی رپورٹ موجب ٻھاہ پاروں مرݨ آلیاں دی تعداد 24 تھی ڳئی اے۔
