بہاول پور۔13 جنوری (اے پی پی) ٹرالردی کار کوں بچاوݨ دی کوشش اچ موڑ کٹیندیں ہوئیں توازن وڳڑݨ نال کنٹینر کار تے ݙہہ پئیا، پنڄ بندے موقع تے جاں بحق اتے ترائے زخمی تھی ڳئے جنہاں کوں ہسپتال پڄا ݙتا ڳئے۔ تفصیل موجب اڈہ مسافرخانہ احمدپورروڈ بہاولپوراچ ہک کار اچ سوار فیملی آپݨے گھر واپسی ویندی پئی ہئی، دھند پاروں حد نگاہ ٻہوں ڳھٹ ہئی، کار ڈرائیور کوں یکدم آپݨا گھر ںظریا اتے اوں آپݨے گھر آلے پاسے کار موڑ ݙتی۔ پچھوں امدیں ہوئیں ٹریلے کار کوں بچیندیں ہوئیں موڑ کٹی اتے اتے توازن وڳڑݨ پاروں ٹریلر دا کنٹینر کار دے اُتے ݙہہ پئیا جئیں پاروں پںج بندے موقع تے جاں بحق اتے ترائے زخمی تھی ڳئے۔ اطلاع تےریسکیو 1122 فوری طورموقع تے پڄ ڳئی جنہاں ریسکیو آپریشن کر تے لوکاں کوں کنٹینر تلوں کݙھیا۔ مقامی پولیس کاروائی شروع کر ݙتی اے۔ جاں بحق تھیوݨ آلیاں اچ فیض آبادکالونی مسافرخانہ دے رہائشی40سالہ شازیہ، 8سالہ محمدآصف، 28سالہ سمعیہ قاسم، 14سالہ حفصہ،9سالہ یمنی جڈانجو زخمیاں اچ 12سالہ حذیفہ، 30سالہ عائشہ،34سالہ آصف شامل ہن۔
