لاہور۔15جنوری(اے پی پی)انٹرنیشنل کرکٹ کونسل ( آئی سی سی ) ون ڈے پلیئرز دی رینکنگ جاری کر ݙتی اے۔ آئی سی سی دی ون ڈے دی بیٹرز رینکنگ اچ پاکستان دے سٹار بلے باز بابراعظم دا پہلی پوزیشن تے قبضہ برقرار اے۔ ایں فہرست اچ بھارت دے روہت شرما، شبھمان گل اتے ویرات کوہلی ݙوڄھے، تریڄھے اتے چوتھے نمبر تے ہین۔ بولرز دی ون ڈے رینکنگ اچ افغانستان دے راشد خان دا پہلا نمبر اے، پاکستان دے شاہین آفریدی ہک درجے تنزلی نال تریڄھے توں چوتھے نمبر تے لڳے ڳن۔ ٹی 20 اچ وی بابر اعظم ہک درجہ ترقی نال چھیوین نمبر تے ہین۔ ٹیسٹ رینکنگ اچ وی بابر دی 5 پوڑیاں ترقی تھئی اے اتے او ٻارہویں نمبر تے موجود ہین۔
