غزہ۔16جنوری (اے پی پی) غزہ اچ اسرائیل دے فضائی حملے اچ 30 فلسطینی شہید تھی ڳئے۔ شنہوا موجب فلسطین دے محکمہ شہر دفاع دے ترجمان محمود بسال گزریل ݙینھ آکھیا جو غزہ دی پٹی اچ جنگ بندی دے اعلان دے بعد اسرائیلی جنگی طیاریاں غزہ دے کئی علاقیاں اچ حملے تیز کر ݙتن۔ مغربی غزہ شہر دے شیخ رضوان محلے اچ انجینئرز سنڈیکیٹ دے نیڑے ہک حملے اچ 18 فلسطینی شہید اتے 20 زخمی تھین۔ انہاں ٻیا آکھیا جو شمالی غزہ اچ ہک گھر تے حملے اچ 7 فلسطینی شہید تھین اتے مشرقی غزہ شہر دے علاقے الدراج اچ ہک گھر کوں نشانہ ٻݨایا ڳئے جئیں اچ ٻئے ترائے بندے شہید تھین۔ ایندے علاوہ جنوبی غزہ دے خان یونس اچ ناصر میڈیکل کمپلیکس دے مقامی ذرائع شہر دے جنوب اچ قزان رشوان دے علاقے اچ ہک گھر تے حملے اچ ݙو فلسطینیاں دے شہید تھیوݨ دی اطلاع ݙتی اے۔
