اسلام آباد۔25جنوری(اے پی پی) وزیراعظم محمد شہباز شریف آکھیے نینگر پاکستانی کھلاڑی اپݨی صلاحیتاں توں ملک تے قوم دا ناں روشن کریندے پئن ،حکومت پاکستانی کھلاڑیاں کوں سہولتاں ݙیوݨ سانڳے ہرممکن اقدامات کریندی پئی اے ۔ وزیر اعظم آفس میڈیا ونگ توں جاری پریس ریلیز موجب وزیراعظم محمد شہباز شریف نال سنوکر چیمپئن محمد آصف ملاقات کیتی۔ ایں موقع تے وزیر اعطم ہݨے ہی سری لنکا اچ منعقدہ سارک …
وزیراعظم دی عالمی چیمپئن شپس جتݨ تے نینگر پاکستانی کھلاڑیاں دی تعریف
مزید خبراں
اسلام آباد۔25جنوری(اے پی پی) وزیراعظم محمد شہباز شریف آکھیے نینگر پاکستانی کھلاڑی اپݨی صلاحیتاں توں ملک تے قوم دا ناں روشن کریندے پئن ،حکومت پاکستانی کھلاڑیاں کوں سہولتاں ݙیوݨ سانڳے ہرممکن اقدامات کریندی پئی اے ۔ وزیر اعظم آفس میڈیا ونگ توں جاری پریس ریلیز موجب وزیراعظم محمد شہباز شریف نال سنوکر چیمپئن محمد آصف ملاقات کیتی۔ ایں موقع تے وزیر اعطم ہݨے ہی سری لنکا اچ منعقدہ سارک سنوکر چیمپئن شپ جتݨ تے انہاں کوں مبارخ ݙتی ۔وزیر اعظم محمد آصف کوں 25 لکھ روپے دا انعامی چیک وی پیش کیتا۔ ایں موقع تے ڳالھ کریندے وزیر اعظم محمد شہباز شریف آکھیے تساں سنوکر دے کھیݙ اچ پاکستان دا نام روشن کیتے اتے پوری قوم کوں تساں تے ماݨ اے ۔وزیراعظم مزید آکھیے ورلڈ امیچور سنوکر چیمپئن شپ اتے سارک سنوکر چیمپئن شپ ترائے واری جت تے محمد آصف دنیا اچ آپݨی صلاحیتاں دا لوہا منوائے تے پاکستان دا ناں روشن کیتے ۔ملاقات دے دوران محمد آصف قومی سطح تےستائش تے وزیراعظم دا شکریہ ادا کریندے آکھیے کھیݙاں اچ حکومتی سرپرستی کھیݙاں دے ودھارے اچ کلیدی کردار نبھائے ، انہاں مزید آکھی میں سانڳے اعزاز دی ڳالھ اے جو وزیراعظم میݙی کامیابیاں دا اعتراف کیتے ۔وزیراعظم محمد شہباز شریف متعلقہ حکام کوں ہدایت کیتی جو حمد آصف دے نال نال ملک اچ سنوکر دے ٻئے کھلاڑیاں دی تربیت سانڳے اقدامات کیتے ونڄن تاں جو نینگر ایں کھیݙ کوں مزید ودھا سڳن۔
