صدر مملکت آصف علی زرداری دا ضلع خیبر اچ 4 خوارج کوں جہنم واصل کرݨ تے سکیورٹی فورسز کوں خراج تحسین

اسلام آباد۔25جنوری(اے پی پی) صدر مملکت آصف علی زرداری ضلع خیبر اچ کارروائی دے دوران 4 دہشت گرداں کوݨ جہنم واصل کرݨ تے سکیورٹی فورسز کوں خراج تحسین پیش کیتے ۔ ایوان صدر پریس ونگ توں جاری بیان موجٻ صدر مملکت خفیہ معلومات دی بنیاد تے کامیاب کاروائی دے دوران دہشت گرداں دے سرغنہ سودھے 4 خوارج کوں جہنم واصل کرݨ تے سکیورٹی فورسز دی بہادری دی تعریف کیتی ۔ صدر مملکت آکھیے سکیورٹی فورسز دہشت گردی دے عفریت مکاوݨ سانڳے کارروائیاں کریندی پئی اے ، پوری قوم دہشت گردی دے خلاف ھک مٹھ اے ۔ صدر مملکت ایں عزم دا اعادہ کیتے جو دہشت گردی دے منڈھوں مکݨ تئیں فتنتہ الخوارج دے خلاف کارروائیاں جاری رہسن۔