امریکا اچ چین دے خلاف کہیں تقریب اچ شرکت کائنی کیتی ، نینگراں دی تقریب اچ شرکت کیتی ہئی ، ایں کوں پراپیگنڈہ کرتے غلط رنگ ݙتا ڳئے ، ایجھے پروپگینڈہ توں کوئی فرق نی پوندا ،وفاقی وزیرداخلہ

ہیوسٹن ۔26جنوری(اے پی پی) وفاقی وزیرداخلہ محسن نقوی آکھیے دورہ امریکا تے چین دے خلاف کہیں تقریب اچ شرکت کائنی کیتی ، مخالفین زہریلا پراپیگنڈہ کریندے پئن، نینگراں دی تقریب اچ شرکت کیتی ہئی ایں کوں پراپیگنڈہ کرتے غلط رنگ ݙتا ڳئے، ایجھے پروپگینڈہ توں کوئی فرق نی پوندا ، میں کہیں وی اینٹی چائنہ فنکشن اچ شامل کائںی تھیا ۔ ھک پریس ریلیز موجب وفاقی وزیرداخلہ ہیوسٹن، امریکا اچ اہم ڳالھ مہڑ کریندے آکھیے امریکا اچ چین دے خلاف کہیں تقریب اچ شرکت کائنی کیتی ، مخالفین زہریلا پراپیگنڈہ کریندے پئن ۔ وفاقی وزیرداخلہ آکھیے نینگراں دی ھک تقریب اچ شرکت کیتی ہئی ایں کوں پراپیگنڈہ کرتے غلط رنگ ݙتا ڳئے ۔ انہاں واضح کیتے جو ایجھے پراپیگنڈہ توں کوئی فرق نی پوندا ، میں کہیں وی اینٹی چائنہ فنکشن اچ نی ڳیا ، میݙے دورے دا مقصد امریکا دے سیاستداناں نال رل تے دہشتگردی دے خلاف ھک مؤثر پلان بݨاوݨ اے ۔ انہاں ایں ڳالھ تے زور ݙتے جو دہشتگردی صرف پاکستان دی لڑائی کائنی اے ساریں دی سانجھی لڑائی اے ۔ انہاں مزید آکھیے پاکستان دے خلاف جیڑھا وی ہتھیار چیسی ایں نال اوکھے ہتھاں نال نبڑیا ویسی ۔ وزیر داخلہ آکھیے امریکا دے ایوانِ نمائندگان کوں پاکستان دے خلاف اکسایا ویندا پئے ۔سیاست کرو لیکن ایں حد تئیں نہ ونڄو جو پاکستان دا ضیان تھیوے، انہاں آکھیے کانگریس ارکان نال ملاقاتاں ٻہوں مثبت رہین