حکومت زراعت دی ترقی سانڳے ݙینھ رات کم کریندی پئی اے ،زراعت دی ترقی دے سلسلے اچ بیلاروس ،چین سودھے کئی ملکاں نال ڳالھ مہاڑ جاری اے ، وفاقی وزیرصنعت و پیداوار رانا تنویر حسین

اسلام آباد/مریدکے۔26جنوری(اے پی پی) وفاقی وزیرصنعت و پیداوار رانا تنویر حسین آکھیے حکومت زراعت دی ترقی سانڳے ݙینھ رات کم کریندی پئی اے ،زراعت دی ترقی دے سلسلے اچ بیلاروس ،چین سودھے کئی ملکاں نال ڳالھ مہاڑ جاری اے۔ اے ڳالھ انہاں ھک تقریب توں خطاب کریندے آکھی ، انہاں آکھیے زراعت دی ترقی دے سلسلے اچ بیلاروس ،چین سودھے کئی ملکاں نال ڳالھ مہاڑ جاری اے ،وزیراعظم دی کوشش اے زراعت دی ترقی اچ دنیا دا مقابلہ کرن ، ایہا وجہ اے جو پاکستان توں زرعی تحقیق سانڳے نینگر چین بھیجیندے پیوں ۔ رانا تنویر حسین آکھیے اساں اڄ وی فی ایکڑ 30 مݨ پیداوار تے کھڑوں ،فی ایکڑ پیداوار ودھاوݨ سانڳے جدید ٹیکنالوجی توں فیدہ چاوݨ ویلھے دی اہم لوڑھ اے ۔ انہاں آکھیے ھک جماعت دی سیاست دا محور ہی پاکستان دی تباہی رہیے،ایں جماعت زراعت دے شعبہ کوں وی ٻہوں تباہ کیتے ، ایں جماعت دا بانی اڄ وی جیل اچ ٻہہ تے پاکستان کوں ضیان پڄیندا بیٹھے ،عوام ایں کوں مسترد کرچکی اے ایں دی سیاست ختم تھی چکی اے ۔ رانا تنویر حسین آکھیے اپریل اچ بجلی مزید سستی کرݨ ویندے پیوں حکومت دا مشن صنعت اتے زراعت دی بحالی اے۔