لاہور۔26جنوری(اے پی پی) چیئرمین وزیر اعظم یوتھ پروگرام رانا مشہود احمد خان آکھیے ملک ترقی دے رستے تے ٹرپئے ،مخالفین دی ترقی دا سفر روکݨ دیاں ساریاں سازشاں ناکام تھی ڳئن ،معاشی ترقی سانڳے کوششاں دے ثمرات سامݨے آندے پئن ،ترکیہ دے صدر وختی پاکستان دا دورہ کریسن ، آندے بجٹ اچ عوام کوں مزید خوشخبریاں ݙیسوں۔اے ڳالھ انہاں گلشن راوی اچ تقریب توں خطاب کریندے آکھی ۔انہاں آکھیے وزیر …
ملک ترقی دے رستے تے ٹرپئے،آندے بجٹ اچ عوام کوں مزید خوشخبریاں ݙیسوں ، رانا مشہود احمد خان
مزید خبراں
لاہور۔26جنوری(اے پی پی) چیئرمین وزیر اعظم یوتھ پروگرام رانا مشہود احمد خان آکھیے ملک ترقی دے رستے تے ٹرپئے ،مخالفین دی ترقی دا سفر روکݨ دیاں ساریاں سازشاں ناکام تھی ڳئن ،معاشی ترقی سانڳے کوششاں دے ثمرات سامݨے آندے پئن ،ترکیہ دے صدر وختی پاکستان دا دورہ کریسن ، آندے بجٹ اچ عوام کوں مزید خوشخبریاں ݙیسوں۔اے ڳالھ انہاں گلشن راوی اچ تقریب توں خطاب کریندے آکھی ۔انہاں آکھیے وزیر اعظم محمد شہباز شریف دی مدبرانہ قیادت تے حکومت دی مثبت پالیسیاں پاروں ملک ترقی دے رستے گامزن تھی چکے ،پاکستان اچ ٻاہرلی سرمایہ کاری آندی پئی اے تے ساریاے معاشی اشاریے مثبت،سٹاک مارکیٹ نویں ریکارڈ بݨائن ،اڑان پاکستان پروگرام ملکی ترقی اچ کلیدی کردار ادا کریسی ،وزیر اعظم ملک کوں بحراناں توں کڈھݨ سانڳے ݙینھ رات کوشاں ہن حکومت معاشی استحکام دے نال نال عوام کوں بنیادی سہولتاں ݙیوݨ سانڳے وی سارے وسائل بروئے کار گھن آندی پئی اے جیں توں عام بندے دا معیار زندگی اُچا تھیندا پئے ۔رانا مشہود احمد خان آکھیے مسلم لیگ (ن) ہمیشہ ملک کوں بحراناں توں کڈھ تے ترقی تے خوشحالی دے رستے تے ٹورݨ سانڳے کامیاب تھئی تے ہݨ وی مہانگ تے قابو پاوݨ سانڳے کوششاں جاری ہن جیں دے اثرات عام آدمی تئیں پڄݨ شروع تھی چکن ،مسلم لیگ (ن)جݙاں وی اقتداراچ آںدی اے پورے ملک اچ ترقیاتی منصوبے شروع تھی ویندن جیڑھے جو پارٹی قیادت دی عوام دوستی اتے ملکی تعمیر و ترقی دا ضامن ہووݨ دا واضح ثبوت اے۔ سابق دور حکومت ماچ ھک ٹولے پاکستان دی نظریاتی اساس تے حملے کیتے ، پاکستان کوں شام ایران بݨاوݨ ،قومی اداریں کوں مفلوج کرݨ ،امریکا اچ پاکستان دے خلاف قرارداداں پاس کراوݨ دی کوشش کیتی،آئی ایم ایف نال ڈیل ناکام کرݨ دی کوشش کیتی ،آئی ایم ایف دے ٻاہروں احتجاج کیتا ڳئے ،سول نافرمانی تے ملک اچ دنگا فساد کراوݨ دی کوشش کیتی ڳئی ملک کوں ناقابل تلافی ضیان پڄے تے ملکی معیشت دا جنازہ کڈھ تے رکھ ݙتا ،دوست ملک ناراض تھی ڳئے ،ٻاہرلی سرمایہ کاری رک ڳئی ،ملک دیوالہ تھیوݨ دے نیڑے چلیا ڳیا اساں آپݨی سیاست دی پروا کیتے بغیر ملک کوں دیوالیہ تھیوݨ توں بچائے انہاں دیاں ساریاں سازشاں ناکام تھئن ۔چیئرمین وزیراعظم یوتھ پروگرام آکھیے قائد محمد نواز شریف دے ویژن موجب وزیراعظم ݙینھ رات محنت کرتے پاکستان دی مخالف قوتاں کوں ھک جواب ݙیندے پئن جو پاکستان دی ترقی کوں ہݨ کوئی نی روک سڳدا ساݙا ہدف ملک تے عوام کوں خوشحال بݨاوݨ اے ، آندے بجٹ اچ عوام کوں مزید سہولتاں ݙتیاں ویسن۔
