سید یوسف رضا گیلانی دی سپیکر آزاد جموں کشمیر قانون ساز اسمبلی چوہدری لطیف اکبر دے قافلے تے فائرنگ دے واقعہ دی مذمت

اسلام آباد۔26جنوری (اے پی پی) چیئرمین سینیٹ سید یوسف رضا گیلانی سپیکر آزاد جموں و کشمیر قانون ساز اسمبلی چوہدری لطیف اکبر دے قافلے تے فائرنگ دے واقعے دی مذمت کیتی اے۔سینیٹ سیکرٹریٹ میڈیا ڈائریکٹوریٹ توں جاری بیان موجب سید یوسف رضا گیلانی ایں واقعہ کوں بزدلانہ تے قابل افسوس عمل قرار ݙیندے آکھیے ایجھے اقدامات کہیں صورت وی قبول کائںی ،جمہوری اداریں دے احترام اتے قانون دی بالادستی یقینی بݨاوݨ اساں ساریں دی ذمہ واری اے ،ایہو سویں واقعات ریاست اچ امن و امان دی صورتحال کوں خراب کرݨ دی مذموم سازش ہن، ایں واقعہ دی مکمل تحقیقات تھیوݨیاں چاہیدن ۔ انہاں واقعہ اچ ملوث عناصر کوں وختی گرفتار کرتے قانون دی کچاری اچ گھن آیا ونڄے تے سپیکر چوہدری لطیف اکبر سودھے سارے عوامی نمائندیں دی حفاظت یقینی بݨائی ونڄے ۔سید یوسف رضا گیلانی چوہدری لطیف اکبر اتے انہاں دے قافلے اچ شامل سارے لوکاں دی خیریت تے اطمینان کریندے آکھیے اللہ تعالیٰ دے فضل و کرم نال کوئی جانی ضیان کائنی تھیا ۔ انہاں دعا کیتی جو اللہ تعالیٰ سݙے ملک کوں امن تے سلامتی دا گہوارہ بݨاوے۔