ہیوسٹن۔27جنوری(اے پی پی)وفاقی وزیرداخلہ محسن نقوی ہیوسٹن اچ امریکی کانگریس اتے کانگریس دی فنانس کمیٹی دے اہم ممبر الیگزینڈر گرین نال ملین۔ انہاں باہمی دلچسپی دے امور اتے پاک امریکا تعلقات ودھاوݨ دے معاملیاں تے الایا۔ وفاقی وزیرداخلہ رکن کانگریس الیگزینڈر گرین کوں افغانستان توں تھیوݨ آلی دہشتگردی اتے دراندازی دے واقعات دا ݙسایا۔ انہاں پاکستان اچ زلزلے اتے سیلاب اچ متاثرین دا ہتھ ونݙاوݨ تے کانگریس مین الیگزینڈر گرین …
وفاقی وزیر داخلہ دی امریکی کانگریس دی فنانس کمیٹی دے ممبر الیگزینڈر گرین نال ملاقات
مزید خبراں
ہیوسٹن۔27جنوری(اے پی پی)وفاقی وزیرداخلہ محسن نقوی ہیوسٹن اچ امریکی کانگریس اتے کانگریس دی فنانس کمیٹی دے اہم ممبر الیگزینڈر گرین نال ملین۔ انہاں باہمی دلچسپی دے امور اتے پاک امریکا تعلقات ودھاوݨ دے معاملیاں تے الایا۔ وفاقی وزیرداخلہ رکن کانگریس الیگزینڈر گرین کوں افغانستان توں تھیوݨ آلی دہشتگردی اتے دراندازی دے واقعات دا ݙسایا۔ انہاں پاکستان اچ زلزلے اتے سیلاب اچ متاثرین دا ہتھ ونݙاوݨ تے کانگریس مین الیگزینڈر گرین دا شکریہ ادا کیتے۔ وفاقی وزیرداخلہ محسن نقوی آکھیے جو پاکس امریکا تعلقات تکڑے تھیندے پین، آندے ݙینہاں اچ اے تعلقات ٻئے مستحکم تھیسن۔ کانگریس مین الیگزینڈر گرین آکھیا جو تیکھے پاکستان دا ولا دورہ کریساں۔ ملاقات اچ ہیوسٹن اچ پاکستان دے قونصل جنرل محمد آفتاب چوہدری اتے پاکستانی نژاد معروف امریکی بزنس مین طاہر جاوید وی موجود ہن۔
