پاکستان پاک چین دوستی کوں نشانہ ٻݨاوݨ کیتے من گھڑت اتے بے بنیاد الزامات مسترد کر ݙتن

اسلام آباد۔27جنوری(اے پی پی)پاکستان پاک چین دوستی کوں نشانہ ٻݨاوݨ کیتے غیر ملکی ذرائع ابلاغ دے ہک حصے اچ لائے گئے من گھڑت و بے بنیاد الزامات واضح طور تے مسترد کر ݙتن۔ دفتر خارجہ دے ترجمان قیاس آرائیاں آلے بیان تے اپݨے ولدے اچ ون چائنا پالیسی دے بنیادی اصول بارے پاکستان دے غیر متزلزل عزم دا اعادہ کیتے جیڑھا پاکستان دی خارجہ پالیسی دا ہک مستقل بنیادی نکتہ اے اتے اایندے اچ کوئی تبدیلی نئیں آئی۔ ترجمان آکھیے جو چین پاکستان دا ہر موسمی سٹریٹجک پارٹنر اے، اے رشتہ باہمی اعتماد، مشترکہ اقدار، بنیادی تشویش دے مسائل تے تعاون اتے علاقائی و عالمی استحکام دے عزم کولو نمایاں اے