اسلام آباد۔27جنوری(اے پی پی)وفاقی وزیر تجارت جام کمال خان اتے پاکستان اچ آذربائیجان دے سفیر خضر فرہادوف دی اہم ملاقات تھئی جیندے اچ ݙوہاں ملکاں وچال اقتصادی تعاون ودھاوݨ تے الایا ڳیا۔ ملاقات اچ وزیر اعظم شہباز شریف دے آذربائیجان دے سرکاری دورے دیاں تیاریاں، عوامی سطح تے تعلقات تکڑے کرݨ اتے تجارت و سرمایہ کاری ودھاوݨ تے وی ڳالھ مہاڑ تھئی۔ سفیر اسلام آباد، لاہور اتے کراچی اچ آذربائیجان ٹریڈ ہائوس ٻݨاوݨ دے منصوبیاں دا ݙسایا۔ وزیر تجارت وزیر اعظم دے دورے اچ بزنس ٹو بزنس فورم کراوݨ دی تجویز ݙتی جیندے بعد جولائی اچ آذربائیجان اچ سنگل کنٹری نمائش کراوݨ دی ڳالھ تھئی تاں جو پی ٹی اے دے ردعمل دا جائزہ ڳھدا ونڄے۔ انہاں زراعت و ٹیکنالوجی دے شعبے اچ تعاون، تجارتی حجم ودھݨ دی صورتحال تے اطمینان کیتے۔
