اسلام آباد۔28جنوری(اے پی پی)وزیراعظم محمد شہباز شریف وفاقی حکومت دے زیر انتظام طبی سہولیات جدید ٻݨاوݨ اتے اسلام آباد کوں ماڈل ٻݨاوݨ دی ہدایت کریندے آکھیے جو حکومت پورے ملک اچ صحت سہولتاں تئیں رسائی کیتے ترجیحی کم کریندی پئی اے۔ اے ڳالھ انہاں اسلام آباد اچ وزارت قومی صحت دے امور بارے جائزہ اجلاس دی اڳواݨی کریندے آکھی۔ اجلاس اچ وفاقی وزیر منصوبہ بندی احسن اقبال، وفاقی وزیر اقتصادی …
وزیراعظم دی وفاقی حکومت دے زیر انتظام طبی سہولیات جدید ٻݨاوݨ دی ہدایت
مزید خبراں
اسلام آباد۔28جنوری(اے پی پی)وزیراعظم محمد شہباز شریف وفاقی حکومت دے زیر انتظام طبی سہولیات جدید ٻݨاوݨ اتے اسلام آباد کوں ماڈل ٻݨاوݨ دی ہدایت کریندے آکھیے جو حکومت پورے ملک اچ صحت سہولتاں تئیں رسائی کیتے ترجیحی کم کریندی پئی اے۔ اے ڳالھ انہاں اسلام آباد اچ وزارت قومی صحت دے امور بارے جائزہ اجلاس دی اڳواݨی کریندے آکھی۔ اجلاس اچ وفاقی وزیر منصوبہ بندی احسن اقبال، وفاقی وزیر اقتصادی امور احد خان چیمہ، وفاقی وزیر قانون و انصاف اعظم نذیر تارڑ، وزیراعظم دے کوآرڈینیٹر برائے قومی صحت ڈاکٹر ملک مختار احمد بھرتھ اتے متعلقہ اعلیٰ سرکاری افسران شرکت کیتی۔ وزیراعظم وفاقی حکومت دے زیر انتظام صحت دی ݙیکھ بھال دا نظام جدید ٻݨاوݨ، صحت سہولتاں سانڳے اسلام آباد کوں پورے ملک کیتے مثالی ٻݨاوݨ، جناح میڈیکل کمپلیکس و ریسرچ سینٹر دا کم تیکھا کرݨ اتے سنٹر کیتے میڈیکل و سرجیکل مشینری اتے آلات دی خریداری کیتے پری کوالیفیکیشن ویلھے تے شروع کرݨ دی ہدایت کیتی جو ایں سانڳے ماہر کنسلٹنٹ دی نگرانی اچ پری کولیفیکیشن مکمل کیتی ونڄے اتے شفافیت کیتے تھرݙ پارٹی آݙٹ وی کرایا ونڄے۔ وزیراعظم جناح میڈیکل کمپلیکس نال جڑی یونیورسٹی کیتے چارٹر دی منظوری دا عمل شروع کرݨ دی وی ہدایت کیتی۔
