پیکا ایکٹ سوشل میڈیا استعمال کرݨ آلیاں تے لاگو تھیسی، وفاقی وزیر رانا تنویر حسین

اسلام آباد۔28جنوری(اے پی پی)وفاقی وزیر برائے صنعت و پیداوار رانا تنویر حسین آکھیے جو کوئی وی قانون یا ترامیم ویلھے دی لوڑھ دے مطابق کیتاں ونڄ سڳدن، پیکا ایکٹ سوشل میڈیا استعمال کرݨ آلیاں تے لاگو تھیسی۔ سینیٹ اچ الیندے انہاں آکھیا جو الیکٹرانک میڈیا اتے اخبارات کیتے نئیں، سول سوسائٹی کوں ریگولیٹ کرݨ ضروری اے، سوشل میڈیا کوں بے لگام نئیں چھوڑیا ونڄ سڳدا۔ انہاں آکھیا جو سوشل میڈیا دا استعمال منظم کرݨا ہوسی جو معاشرے اچ بہتری آوے اتے بے قاعدگیاں کوں قابو کیتا ونڄے۔