وزیراعظم دی بلوچستان اچ 5 خارجیاں کوں ہلاک کرݨ تے سکیورٹی فورسز کوں شاباش

اسلام آباد۔28جنوری(اے پی پی):وزیراعظم محمد شہباز شریف بلوچستان دے ضلع قلعہ عبداللہ دے علاقے گلستان دی پوسٹ تے خوارجی دہشت گرداں دا حملہ ناکام ٻݨاوݨ اتے 5 خارجیاں کوں ہلاک کرݨ تے سکیورٹی فورسز کوں خراج تحسین پیش کیتے۔ وزیر اعظم آکھیے جو حکومت اتے سکیورٹی فورسز ملک توں دہشت گردی مکاوݨ کیتے پر عزم ہین۔ وزیراعظم خارجیاں دے خلاف کارروائی اچ نائیک طاہر خان اتے لانس نائیک طاہر اقبال دی شہادت تے افسوس کریندے انہاں دے ٹٻر کوں مکاݨ ݙتے۔ وزیراعظم آکھیے جو انسانیت دے دشمناں دے عزائم کامیاب نا تھیوݨ ݙیسوں، دہشت گردی دے خلاف جنگ اچ جاناں ݙیوݨ آلے سکیورٹی فورسز دے نڈر جواناں دی قربانیاں ضائع نا ویسن، قوم کوں دہشت گرداں دے خلاف ݙٹ تے کھڑے اپݨے سکیورٹی فورسز تے ماݨ اے۔