اسلام آباد۔28جنوری(اے پی پی)وفاقی وزیر تجارت جام کمال خان معیشت کوں درست سمت تے قرار ݙیندے آکھیے جو معاشی استحکام کیتے پالیسیاں دا تسلسل ضروری اے۔ اسلام آباد اچ پاکستان بزنس کونسل ولوں معیشت بارے سیمینار نال خطاب کریندے انہاں آکھیا جو مختلف ممالک نال تجارتی تعلقات ودھاوݨ دے موثر اقدامات کریندے پئے ہیں جیندے چنڳے نتیجے نکلدے پن، برآمدات ودھاوݨ کیتے نویاں منڈیاں ڳولیندے پئے ہیں، غیرملکی سرمایہ کار پاکستان آندے پن جیکوں ودھ سہولتاں ݙیندے پئے ہیں، صنعتکاراں کوں وی ودھ سوکھ ݙیسوں جو برآمدات ودھن۔ انہاں آکھیا جو امریکہ اتے یورپ نال مختلف شعبیاں اچ تعاون کریندے پئے ہیں، مقامی انڈسٹری دے فروغ کیتے کوششاں جاری رکھیاں ویسن۔
