راولپنݙی۔28جنوری(اے پی پی)قلعہ عبداللہ اچ سکیورٹی فورسز چیک پوسٹ تے دہشتگرد حملے دی کوشش ناکام ٻݨا ݙتی۔ پاک فوج دے شعبہ تعلقات عامہ (آئی ایس پی آر) آکھیے جو ضلع قلعہ عبداللہ دے علاقے گلستان اچ خوارج دے دہشتگرداں بارود نال بھری گاݙی چیک پوسٹ دی کندھ اچ کݙھ ماری۔ حملے تے سکیورٹی فورسز ویلھے تے کارروائی کریندے ہوئے دہشتگرداں دی چیک پوسٹ اچ وڑݨ دی کوشش ناکام ٻݨا ݙتی …
قلعہ عبداللہ اچ سکیورٹی فورسز چیک پوسٹ تے دہشتگرد حملے دی کوشش ناکام، 5 خوارج ہلاک، ݙو اہلکار شہید
مزید خبراں
راولپنݙی۔28جنوری(اے پی پی)قلعہ عبداللہ اچ سکیورٹی فورسز چیک پوسٹ تے دہشتگرد حملے دی کوشش ناکام ٻݨا ݙتی۔ پاک فوج دے شعبہ تعلقات عامہ (آئی ایس پی آر) آکھیے جو ضلع قلعہ عبداللہ دے علاقے گلستان اچ خوارج دے دہشتگرداں بارود نال بھری گاݙی چیک پوسٹ دی کندھ اچ کݙھ ماری۔ حملے تے سکیورٹی فورسز ویلھے تے کارروائی کریندے ہوئے دہشتگرداں دی چیک پوسٹ اچ وڑݨ دی کوشش ناکام ٻݨا ݙتی اتے فائرنگ دے شدید تبادلے اچ ݙو خودکش بمباراں سودھا 5 خوارج ماریے ڳن۔ ترجمان پاک فوج دے مطابق دہشتگرداں نال فائرنگ دے تبادلے اچ وطن دے 2 بہادر سپوت شہید تھی ڳن۔ شہید تھیوݨ آلیاں اچ نائیک طاہر خان اتے لانس نائیک طاہر اقبال شامل ہین۔ آئی ایس پی آر آکھیے جو علاقے اچ کہیں وی دہشتگرد کوں مکاوݨ کیتے کلیئرنس آپریشن جاری اے، پاکستان دی سکیورٹی فورسز ملک توں دہشت گردی دی لعنت مکاوݨ کیتے پرعزم ہیں، ساݙے بہادر جواناں دیاں اینڄھیاں قربانیاں ساݙا عزم ٻیا تکڑا کریندن۔
