صدر مملکت دا بنوں اچ خوارج دے خلاف کامیاب آپریشن تے سیکیورٹی فورسز کوں خراج تحسین

اسلام آباد۔28جنوری(اے پی پی)صدر مملکت آصف علی زرداری ضلع بنوں اچ خوارج دے خلاف کامیاب آپریشن تے سیکیورٹی فورسز کوں خراج تحسین پیش کیتے۔ صدر مملکت کارروائی اچ 3 خوارج ہلاک اتے 9 زخمی کرݨ تے سیکیورٹی فورسز دی بہادری دی تعریف کیتی۔ انہاں آکھیا جو بہادر افواج ملکی سرحداں دی ہرہ ویلھے حفاظت کیتے پرعزم ہین، دہشت گردی مکاوݨ تئیں دہشت گرداں دے خلاف کارروائیاں جاری رہسن، پوری قوم دہشت گردی دے خلاف جنگ اچ اپݨی سیکیورٹی فورسز دے نال کھڑی اے۔