وزیر اعظم نال امریکی سرمایہ کار دی اڳواݨی اچ بین الاقوامی وفد دی ملاقات

اسلام آباد۔29جنوری(اے پی پی)وزیر اعظم محمد شہباز شریف نال امریکا دے سرمایہ کار جینٹری بیچ دی اڳواݨی اچ بین الاقوامی سرمایہ کاراں دا وفد ملیے۔ انہاں پاکستان دی سرمایہ کاری دی ودھ استعداد اتے امید افزا اقتصادی صلاحیت تے الایا۔ ملاقات اچ نائب وزیر اعظم و وزیر خارجہ اسحاق ڈار، وفاقی وزرا محمد اورنگزیب، عبدالعلیم خان، عطاء اللہ تارڑ، وزیر مملکت علی پرویز ملک اتے معاون خصوصی طارق فاطمی وی موجود ہن۔

وزیراعظم پاکستان اچ سازگار کاروباری ماحول، تیز تر و پائیدار عملدرآمد اتے مضبوط ادارہ جاتی تعاون سانڳے غیر ملکی سرمایہ کاراں کوں سوکھ ݙیوݨ دا حکومتی عزم دوہرائے۔ وزیراعظم پاکستان دے اسٹریٹجک جغرافیائی محل وقوع، ہنر مند، باصلاحیت اتے نوجوان افرادی قوت اتے تیزی نال کھنݙدی کنزیومر مارکیٹ تے الیندے عالمی سرمایہ کاری دی منزل سانڳے ملک دے نویکلے منظر نامے دا ݙسایا۔ جینٹری بیچ پاکستان دی بے پناہ اقتصادی صلاحیت دی تعریف کریندے کان کنی و معدنیات، قابل تجدید توانائی، بنیادی ڈھانچے دی ترقی اتے ٹیکنالوجی سودھا اہم شعبیاں اچ سرمایہ کاری دے متنوع مواقع ڳولݨ اچ دلچسپی ݙکھائی۔ انہاں حکومت دی سرمایہ کاری دوست پالیسیاں اتے مستقبل اچ ملک دی ترقی دی رفتار تے اعتماد ݙکھایا۔