اسلام آباد۔29جنوری(اے پی پی)وفاقی وزیر تجارت جام کمال خان نال امریکی چارج ڈی افیئرز نٹالی اے بیکر نال ملین جیندے اچ ݙوطرفہ تجارت و سرمایہ کاری تعلقات تکڑے کرݨ اتے مستقبل اچ تعاون دے نویں مواقع ڳولݨ تے الایا۔ وزارت تجارت موجب ملاقات اچ وفاقی وزیر تجارت جام کمال خان نٹالی اے بیکر اتے امریکی حکومت کوں اقتدار دی منتقلی تے مبارک ݙیندے امید کیتی جو اڳو تے ݙوہیں ملکاں وچال تعلقات ٻئے تکڑے تھیسن۔ فریقین ݙوطرفہ تجارت ودھاوݨ اتے اہم اقتصادی شعبیاں اچ تعاون دا عزم دوہرایا۔ انہاں زراعت دے شعبے اچ تعاون، خاص کر ٹیکسٹائل اتے زرعی مصنوعات اچ ویلیو ایڈیشن تے زور ݙتا۔ انہاں کاٹن انڈسٹری اچ ترقی دے مواقع اتے معدنیات، ٹیکسٹائل اتے قابل تجدید توانائی سانڳے ممکنہ سرمایہ کاری تے الایا۔
