وفاقی وزیر مواصلات، نجکاری و سرمایہ کاری بورڈ عبدالعلیم خان دی زیر صدارت نیشنل ہائی وے اتھارٹی دا جائزہ اجلاس

اسلام آباد۔29جنوری(اے پی پی)وفاقی وزیر مواصلات، نجکاری و سرمایہ کاری بورڈ عبدالعلیم خان دی زیر صدارت نیشنل ہائی وے اتھارٹی دا جائزہ اجلاس تھئے جیندے اچ چیئرمین این ایچ اے منصوبیاں کیتے مختص بجٹ، سارک پراجیکٹس اتے اہم منصوبیاں تے بریفنگ ݙتی۔ وفاقی وزیر مواصلات دی ہدایت تے حفاظتی باڑ دے معاملے تے تحقیقاتی کمیٹی ٻݨائی ڳئی ڄیڑھی 10 ݙینھ اچ رپورٹ ݙیسی۔ وفاقی وزیر مواصلات عبدالعلیم خان آکھیا جو این ایچ اے دا 50 ارب روپے دا اضافی ریونیو “ڈیپازٹ اکاؤنٹ ہوسی، فنڈز ضائع نہ کرݨ ݙیسوں، آندے 5 سال اچ این ایچ اے دے محصولات 400 ارب روپے ودھاوݨ چاہندے ہیں، پہلی ترجیح ایم 6 موٹروے دی تعمیر، سکھر تا حیدرآباد کوں کراچی تئیں ٻݨاوݨ، سیالکوٹ توں کھاریاں اتے راولپنڈی موٹروے کوں 4 توں 6 لین ٻݨاوݨ اے، موٹرویز تے مرمت دا کم فروری اچ مکمل کریسوں۔ عبدالعلیم خان آکھیے جو پاکستان دے قومی روڈ نیٹ ورک کوں خطے دا جدید ترین روڈ نیٹ ورک ٻݨاوݨ چاہندے ہیں۔