صدر مملکت کوں انگولا، جمیکا، لکسمبرگ، یوراگوئے اتے مالٹا دے سفیراں سفارتی اسناد پیش کیتن

اسلام آباد۔29جنوری(اے پی پی)صدر مملکت آصف علی زرداری کوں انگولا، جمیکا، لکسمبرگ، یوراگوئے اتے مالٹا دے سفیراں سفارتی اسناد پیش کیتن۔ ایں سانڳے ایوان صدر اسلام آباد اچ ہک تقریب تھئی جیندے اچ سفیراں اپݨیاں سفارتی اسناد پیش کیتن۔ صدر انگولا دے نامزد سفیر جولیو بیلارمینو گومس مائیٹو، جمیکا دے نامزد سفیر آرتھر ولیمز، لکسمبرگ دے نامزد سفیر رونالڈ ریلینڈ، یوراگوئے دے نامزد سفیر بیرالڈو روکے نکولا فلانیگین اتے مالٹا دے نامزد ہائی کمشنر ریمنڈ بونڈن توں اسناد ڳھدن۔ صدر مملکت نامزد سفیراں کوں پاکستان اچ ذݨہ داریاں ملݨ تے مبارک ݙیندے امید کیتی جو او پاکستان نال تجارت، معیشت، سرمایہ کاری، ثقافت اتے عوامی رابطیاں دے شعبیاں اچ ݙوطرفہ تعلقات ٻئے تکڑے کرݨ اچ اپݨا کردار ادا کریسن۔