وزیراعظم دا شمالی وزیرستان دے علاقے میر علی اچ 6 خارجیاں کوں ہلاک کرݨ تے سکیورٹی فورسز کوں خراج تحسین

اسلام آباد۔30جنوری(اے پی پی)وزیراعظم محمد شہباز شریف شمالی وزیرستان دے علاقے میر علی اچ 6 خارجیاں کوں ہلاک کرݨ تے سکیورٹی فورسز دے افسران و اہلکاراں کوں خراج تحسین پیش کریندے ہوئے میجر حمزہ اسرار اتے سپاہی محمد نعیم دی شہادت تے افسوس کیتے۔ وزیراعظم شہدا دی بلندی درجات اتے اہل خانہ کیتے صبر دی دعا کیتی۔ وزیراعظم آکھیا جو قوم دے پتراں دیاں عظیم قربانیاں نا ونڄیسن، ملک دشمن عناصر دے مذموم عزائم مٹی اچ ملیسوں، حکومت اتے سکیورٹی فورسز ملک توں دہشتگردی مکاوݨ کیتے متحرک ہین۔