چینی دیاں قیمتاں دا حتمی اعلان 6 فروری کوں تھیسی، وفاقی وزیر صنعت و پیداوار

اسلام آباد۔31جنوری(اے پی پی)وفاقی وزیر صنعت و پیداوار رانا تنویر حسین آکھیے جو رمضان المبارک اچ صارفین کوں سوکھ ݙیوݨ حکومت دی ذمہ داری اے، ماہ مقدس اچ کھنݙ دیاں قیمتاں ودھاوݨ دی اجازت نا ݙتی ویسی، چینی دی قیمتاں دا حتمی اعلان 6 فروری خمیس کوں کیتا ویسی۔ اے ڳالھ انہاں اسلام اباد اچ چینی دی قیمتاں بارے جائزہ اجلاس دی اڳواݨی کریندے آکھی۔ رانا تنویر حسین آکھیا جو چینی دی قیمتاں تے مشاورت کیتے شوگر ملرز کوں ہک ہفتے دا ویلھا ݙتا ڳئے، کساناں کوں وی منافع اچ رلایا ونڄے، شوگر ملرز کوں کساناں دے پیداوار اتے مالی مسائل دے حل کیتے اپݨا کردار ادا کرݨا چاہید۔اجلاس اچ چیئرمین ایف بی آر راشد محمود لنگڑیال وی شرکت کیتی ۔