لاہور۔31جنوری(اے پی پی)چئیرمین پی سی بی سید محسن نقوی آکھیے جو وعدے دے مطابق قذافی سٹیڈیم دا کم ویلھے تے مکمل کیتے جیندا افتتاح 7 فروری کوں وزیراعظم شہباز شریف کریسن۔ لاہور اچ پریس کانفرنس کریندے انہاں آکھیا جو قذافی سٹیڈیم دا کم اکتوبر اچ شروع کیتا ہا اتے 31 جنوری کوں ویلھے دے مطابق مکمل کر ڳھدے، قذافی سٹیڈیم دا افتتاح 7 فروری کوں وزیراعظم شہباز شریف کریسن اتے 11 فروری کوں کراچی نیشنل سٹیڈیم دا افتتاح صدر مملکت آصف علی زرداری کریسن۔ محسن نقوی آکھیا جو چیمپئنز ٹرافی ہک وݙا ایونٹ اے، چیمپئنزٹرافی دی افتتاحی تقریب 16 فروری کوں تھیسی جیندے کیتے آئی سی سی دے سارے آفیشلز، بھارت سودھا سارے کرکٹ بورڈز کوں وی سݙیے اتے مہماناں کیتے بہترین انتظامات کیتن۔ کڄھ لوک افتتاحی تقریب، کڄھ سیمی فائنل اتے کڄھ فائنل تے آسن، ایں سانڳے فول پروف سیکیورٹی انتظامات کیتن۔ انہاں آکھیا جو ٹیم دے انتخاب دا فیصلہ سلیکشن کمیٹی کریسی، امید اے ٹیم چنڳی چݨی ویسی، اڄ چیمپئنز ٹرافی کیتے قومی ٹیم دا اعلان تھی ویسی، صائم ایوب دی طبیعت بہتر اے، صائم ایوب دا پلستر لیہہ ڳئے اتے تیکھے او ری ہیب شروع کریسن
