پنجاب حکومت اقلیتاں دے تحفظ سانڳے سارے ممکنہ وسائل تے کم کریندی پئی اے ، مریم نواز

لاہور۔1فروری (اے پی پی) وزیراعلی پنجاب مریم نواز آکھیے پنجاب حکومت اقلیتاں دے تحفظ و مساوی موقع ݙیوݨ سانڳے سارے ممکنہ وسائل تے کم کریندی پئی اے ،پاکستان ہمیشہ توں مختلف مذاہب، ثقافتاں اتے روایات دا حسین گلدستہ رہیے،عقیدے دا احترام تے ہم آہنگی ودھاوݨ نال ہی پکے امن تے ترقی دی ضمانت اے۔ بین المذاہب ہم آہنگی دے عالمی ہفتے تے جاری آپݨے سنھیے اچ انہاں آکھیے پنجاب ساریں دا ہے تے اتھاں ہر بندہ بغیر کہیں ݙر دے آپݨے مذہب موجب آپݨی عبادات کرسڳدے ، سارے مذہب محبت، امن و رواداری دا درس ݙیندن جیڑھا جو حقیقی فلاحی معاشرے دی بنیاد اے۔ وزیراعلی آکھیے اختلافات ضرور رکھو لیکن دین دی تعلیم تے تہذیب دا دامن اپݨے ہتھ توں نہ چھوڑو ، عقیدے دا احترام اتے ہم آہنگی کوں ودھارا ݙیوݨ نال ہی پکے امن تے ترقی دی ضمانت اے پاکستان ہمیشہ توں مختلف مذہب، ثقافتاں تے روایات دا حسین گلدستہ رہیے، پاکستان خصوصا پنجاب اچ ہر شہری کوں برابری دے حقوق ملدے پئن مریم نواز آکھیے پنجاب حکومت قائداعظم دے افکار دی روشنی اچ اقلیتاں دے تحفظ اتے مساوی موقع ݙیوݨ سانڳے عملی اقدامات کریندی پئی اے ، مینارٹی کارڈ توں نادار اقلیتی بھیݨ بھراویں کوں ترائے مہینے دی مالی معاونت ݙتی ویندی پئی اے ، مندراں، گرجا گھراں اتے ٻیاں عبادت گاہواں دی بحالی ومرمت کیتی ویندی پئی اے۔ انہاں مزید آکھیے اقلیتی برادری دے تہوار حکومتی سطح تے منائے ویندے پئن ، اقلیتاں دی فلاح و بہبود دے بجٹ کوں خاطرخواہ حد تئیں ودھایا ڳئے ، انھاں سانڳے تعلیم و روزگار دے موقع ودھائے ویندے پئن ، محبت، بھرپی تے امن دا سنھیا عام کرو ، ایجھا معاشرہ بݨاؤں جتھاں انتہا پسندی دی گنجائش نہ ہووے