وزیراعلی مریم نواز صوبہ دے متوسط طبقے دی فلاح سانڳے ݙینھ رات کوشاں ، پنجاب اچ ” دھی راݨی پروگرام” لائق تحسین منصوبہ اے،رانا تنویر حسین

لاہور/شیخوپورہ۔1فروری (اے پی پی) وفاقی وزیر صنعت و پیداوار و غذائی تحفظ رانا تنویر حسین آکھیے وزیراعلی مریم نواز صوبے دے متوسط طبقے دی فلاح سانڳے ݙینھ رات کوشاں اے ،پنجاب اچ ” دھی راݨی پروگرام” لائق تحسین منصوبہ اے ، پی ٹی آئی حکومت ملکی معیشت کوں ناقابل تلافی ضیان پڄائے ،دنیا اڄ موجودہ حکومت دی پالیسیاں دی معترف اے۔اے ڳالھ انہاں شیخوپورہ اچ وزیراعلی” دھی راݨی پروگرام ” دے تحت منعقدہ اجتماعی شادیاں دی تقریب توں خطاب کریندے آکھی ۔ وفاقی وزیر رانا تنویر حسین آکھیے وزیر اعلی مریم نواز صوبے دے متوسط طبقے دی فلاح و بہبود سانڳے ݙینھ رات محنت کریندیاں پئن ، چیف منسٹرروزانہ دی بنیاد تے کہیں نہ کہیں منصوبے دا آغاز کرتے پنجاب دے عوام کوں بنیادی سہولتاں ݙیوݨ سانڳے عملی اقدامات چیندیاں پئن ،طالبٰن اچ لیپ ٹاپ سکیم،سکوٹیز،کسان کارڈ ،اقلیتی کارڈ ݙیوݨ تے بے روز گار لوکاں سانڳے قرضہ سکیم دا اجرا ء جیھے قابل تحسین منصوبے شروع کیتن ۔ انہاں آکھیے ماضی اچ محمد شہباز شریف بطور وزیر اعلی پنجاب صوبے سانڳے ٻہوں کم کیتا تے عوام کوں سہولتاں ݙتیاں جݙاں جو اڄ مریم نواز وی ایں طرز عمل کوں اڳوں ودھیندیاں پئن ۔انہاں آکھیے معاشرے اچ ایجھے لوک وی موجود ہن جیڑھے آپݨی مالی اوکھ پاروں آپݨے ٻال تے ٻالڑیاں دی شادی ویلھے دی نی کرسڳدے ،خوشحال طبقے کوں چاہیدے جو او اڳوں آون تے انہاں متوسط طبقے دی مالی امداد کرن تاں جو او ݙوجھیں وانڳوں آپݨے ٻالاں دی سوکھیں شادی کرسڳن ۔وفاقی وزیر آکھیے پی ٹی آئی دی چار سالہ حکومت ملکی معیشت نال کھیݙ کھیݙیے تے ایں کوں ناقابل تلافی ضیان پڄائے ،انہاں دے دور اچ ملک دے کہیں حصے اچ ھک وی عوامی منصوبہ شروع نی تھیا بلکہ ایں حکومت دیاں غلط پالیسیاں پاروں پاکستان ڈیفالٹ تھیوݨ دے نیڑے پڄ ڳیا ،ملک اچ مہانگ دا سیلاب آئے ، بے روز گاری ودھ ڳئی ،پاکستان دی خارجہ پالیسی کمزور اتے بھرا ہمسایہ ملکاں نال تعلقات خراب تھئے۔رانا تنویر حسین آکھیے مسلم لیگ ن ھک عوامی جماعت اے، ایں کوں عوام دی بنیادی مسئلیں دا پتہ اے تے انہاں کوں حل کرݨ سانڳے پرعزم اے۔ جݙاں وی مسلم لیگ ن اقتدار اچ آئی ، اوں فلاحی منصوبیں دا ڄال وچھایا اڄ وی دنیا پاکستان دی پالیسیاں دی معترف تے وزیراعظم محمد شہباز شریف اپݨی باصلاحیت ٹیم دے رلے پاکستان کوں بحراناں توں کڈھݨ سانڳے مصروف عمل ہن ،ملک اچ مہانگ دا گراف ݙینھ و ݙینھ تلے آندا پئے،معیشت ترقی دے پاسے ٹردی پئی اے تے سٹاک ایکسچینج آسمان تے ویندی پئی اے ۔ وفاقی وزیر ” دھی راݨی پروگرام” دے تحت نویں شادی شدہ جوڑیں کوں مبارخ وی ݙتی