پوری قوم دہشتگرداں دے ناپاک عزائم ناکام بݨاوݨ تے وطن عزیز دے تحفظ سانڳے آپݨی جان دی قربانی ݙیوݨ آلے نینگراں کوں خراج عقیدت پیش کریندی اے ، وزیرِاعظم محمد شہباز شریف دی دہشتگرد حملے دی شدید مذمت

لاہور۔1فروری(اے پی پی)وزیرِاعظم محمد شہباز شریف قلات اچ دہشتگرد حملے دی شدید مذمت کریندے آکھیے پوری قوم دہشتگرداں دے ناپاک عزائم مٹی اچ رلاوݨ تے وطن عزیز دے تحفظ سانڳے آپݨی جان دی قربانی ݙیوݨ آلے نینگراں کوں خراج عقیدت پیش کریندی اے ،دہشتگرد بلوچستان دے امن تے ترقی دے دشمن ہن،دہشتگردی منڈھوں مکاوݨ تئیں ایندے خلاف جنگ جاری رکھیسوں ۔ وزیراعظم آفس پریس ونگ توں جاری بیان موجب وزیراعظم محمد شہباز شریف ضلع قلات اچ دہشتگرد حملے دی شدید مذمت کیتی تے دہشت گرداں دے خلاف کاروائی تے سکیورٹی فورسز دے 18 اہلکاراں دی شہادت تے ݙکھ تے افسوس کیتے ۔ انہاں شہداء دے اُچے درجات تے انہاں دے گھرآلیں سانڳے صبر دی دعا منڳی ۔ وزیراعظم آکھیے میں سودھے پوری قوم دہشت گرداں دے ناپاک عزائم ناکام بݨاوݨ تے وطن عزیز دے تحفظ سانڳے آپݨی جان دی قربانی ݙیوݨ آلے نینگراں کوں خراج عقیدت پیش کریندی اے۔ انہاں 12 دہشت گرداں کوں جہنم واصل کرݨ تے سکیورٹی فورسز دے افسراں تے اہلکاراں دی تعریف کریندے آکھیے دہشتگرد بلوچستان دے امن تے ترقی دے دشمن ہن ،دہشتگردی دی عفریت ملک توں منڈھوں مکاوݨ تئیں ایں دے خلاف جنگ جاری رکھیسوں ،میں سودھے پوری قوم دہشتگردی دے خلاف جنگ اچ اپݨی بہادر افواج دے رلے کھڑی اے۔