اسلام آباد۔1فروری(اے پی پی) وفاقی وزیر منصوبہ بندی، ترقی تے خصوصی اقدامات احسن اقبال آکھیے تعلیم اتے صنعت دا تعاون پاکستان دے نینگراں دی ترقی دی ضمانت اے۔ وزارت منصوبہ بندی توں جاری اعلامیہ موجب وفاقی وزیراحسن اقبال کیلی یونیورسٹی دے ڈینس کوٹس فاؤنڈیشن بلڈنگ اینڈ بزنس سکول دا دورہ کیتے اتے تعلیمی نظام اچ صنعت کوں تکڑا کرݨ آلے ھک جدید ماڈل دا مشاہدہ کیتے۔ اے جدید نقطہ نظر …
تعلیم اتے صنعت دا تعاون پاکستان دے نینگراں دی ترقی دی ضمانت اے ،وفاقی وزیراحسن اقبال
اسلام آباد۔1فروری(اے پی پی) وفاقی وزیر منصوبہ بندی، ترقی تے خصوصی اقدامات احسن اقبال آکھیے تعلیم اتے صنعت دا تعاون پاکستان دے نینگراں دی ترقی دی ضمانت اے۔ وزارت منصوبہ بندی توں جاری اعلامیہ موجب وفاقی وزیراحسن اقبال کیلی یونیورسٹی دے ڈینس کوٹس فاؤنڈیشن بلڈنگ اینڈ بزنس سکول دا دورہ کیتے اتے تعلیمی نظام اچ صنعت کوں تکڑا کرݨ آلے ھک جدید ماڈل دا مشاہدہ کیتے۔ اے جدید نقطہ نظر طالبیں تے صنعت دے رہنماواں وچال براہ راست تعاون کوں ودھارا ݙیندے تے ایں ڳالھ کوں یقینی بݨیندے جو گریجویٹس مارکیٹ دے تقاضیں موجب مہارتاں دے مالک ہوون۔وفاقی وزیر احسن اقبال ایں ڳالھ تے زور ݙتے جو یونیورسٹیاں کوں صرف جسمانی ساخت تئیں محدود نی رہݨا چاہیدا بلکہ انہاں کوں جدت اتے تخلیقی صلاحیتاں دے مرکز اچ بدلݨا چاہیدے۔ انہاں منصوبہ بندی کمیشن دے سائنس تے ٹیکنالوجی دے حکام کوں ہدایت کیتی جو او پاکستان اچ وی ایجھا ہی ماڈل اپناون جیں اچ تعلیمی نصاب اتے ادارہ جاتی فریم ورک دے اندر صنعتی شراکت داری کوں رلایا ونڄے ۔ انہاں آکھیے اےاقدامات طالبیں کوں تجربہ تے صنعت دی رہنمائی ݙیسن ، تعلیم اتے روزگار وچال فرق کوں مکیسن تے ملک دی معیشت سانڳے ھک نواں رستہ چُݨسن۔
